Sigurður Guðmundsson fyrrum Hólabiskup lést þann 10.janúar síðastliðinn og var borinn til moldar þann 18.janúar tæpra níutíu ára að aldri. Við áttum samleið í hálfa öld. Útförin var gerð frá Akureyrarkirkju. Til kirkju voru hálft sjötta hundrað manns, þar af 38 hempuklæddir prestar. Áfram…
Þingvallaprestur boðaði til útimessu í Skógarkoti sunnudag verslunarmannahelgarinnar. Þetta var einnig reynt síðastliðið sumar en þann dag rigndi með þeim ósköpum á Þingvöllum að prestur og söfnuður flúðu inn í kirkjuna líkt og þingheimur þurfti þrásinnis að gera á öldum fyrr meðan þing var enn háð á Þingvöllum. En í þetta sinn var veður þurrt og fallegt.
Þriðja árið í röð fær sá sem þetta ritar að þjóna Þingvallakirkju. Það er eins og fallegt og gott ævintýri sem stefnir í góðan endi.
Messað er hvern helgan dag yfir sumarmánuðina og kvöldbænir eru á fimmtudagskvöldum í júní og júli að afloknum fimmtudagskvöldgöngum þjóðgarðsins. Áfram…
Aldraður maður, Þorgeir Pálsson, af ætt konu minnar og sona var kvaddur í dag frá Langholtskirkju.
Í fjarveru sóknarprestsins talaði ég yfir moldum hans.
Mér þykir rétt að grein mín um þetta efni sem Morgunblaðið birti laugardaginn 11.febrúar s.l. sé einnig geymd hér á annálnum. Nokkuð er umliðið síðan greinin var send blaðinu, og af því að tími vannst til sendi ég síðar aðra útgáfu greinarinnar þar sem orðalag var fært til betri vegar á nokkrum stöðum. Greinin sem birtist var hin upphaflega en það sem hér er sett á annál inniheldur leiðréttingarnar. Efnislega er enginn munur á.
Í dag, 4. febrúar, er öld liðin frá fæðingu þýska guðfræðingsins Dietrich Bonhoeffer. Hann var fæddur 4.febrúar 1906 í Breslau, sem nú er í Póllandi (Wroclaw.) Hann var tekinn af lífi af nasistum 9.april 1945
Jóhannes Rau fyrrum forseti Þýskalands lést í dag 75 ára að aldri, eftir erfið veikindi. Áfram…
Adda Steina spurði hvort ég gæti fært norsk vers um aðventuljósin yfir á íslenska tungu, og það tókst á síðustu metrunum áður en aðventan gengur í garð. Þó að þetta hafi verið gert fyrir hana, er ég alveg viss um að hún heimilar birtingu!
Í dag er siðbótardagurinn. Það er minningardagur þess er Marteinn Lúther opinberaði athugasemdir sínar um það sem hann taldi villustigu hinnar heilögu kirkju.
Am Pfingstmontag wird ein Gottesdienst in deutscher Sprache in Selfosskirkja gefeiert. Die Nachricht darüber, die an die Zeitungen geschickt wurde, lautet wie folgt: Áfram…
Í gær, 8.mai var samkirkjuleg bænastund í Hallgrímskirkju þar sem biskupinn og utanríkisráðherrann fluttu ávörp, aldinn sjómaður sem var í stríðinu og fulltrúar kirkjudeildanna stóru lásu ritningarorð. Kantor gyðingasamfélagsins hér söng Kaddish og heimafólk las bænina sem hér fylgir.
Þetta árið fer saman 1.mai og hinn almenni bænadagur. Þegar lesnar eru tilkynningar um messur morgundagsins, er eins og bænadagurinn sé að gleymast. Það er mjög miður.
Það var komið að mér að sjá um bænina í morgunmessunni í Hallgrímskirkju í morgun. Ég deili henni með ykkur, af því að ég veit að einhver ykkar þekkið til sr. Árna Bergs sem í báráttu sinni við óvægið krabbamein leggst undir hnífinn í fyrramálið, líkast til í þriðja sinn.
Nú ber svo við þetta árið að saman fara hinn almenni bænadagur og frídagur verkalýðsins. Messað verður á Þingvöllum þann dag með þátttöku blásarasveitar barna. Áfram…
Á fyrsta sunnudegi í sumri og fjórða sunnudag eftir páska messaði ég í Langholtskirkju í forföllum Jóns Helga.