pb.annáll.is - » Prestar óskast

« Blick über den Kirchturm · Heim · Haustkvöld 2067 »

Prestar óskast

Pétur Björgvin @ 07.27 9/4/14

Ég er þeirrar skoðunar að mannabreytingar (séu þær ekki of örar) feli í sér fleiri tækifæri fyrir safnaðarstarfið heldur en hindranir. Auðvitað fer það þó hverju sinni eftir aðstæðum. Að öllu jöfnu hafa þó prestaskipti meiri áhrif á starfið í söfnuðunum (á neikvæðan sem jákvæðan hátt) heldur en aðrar mannabreytingar innan kirkjunnar, enda hlutverk prestsins og eðli prestsembættisins svipað skipstjórahlutverkinu ef sækja má myndlíkingu í sjómannastéttina.

Öðru hvoru hef ég bloggað um þetta og þó að ég bloggi nú orðið að jafnaði á einu ári jafnoft og hér áður á þremur dögum, þá ákvað ég að skella inn smá pistli um prestaskiptin þessa dagana. Í augnablikinu eru jú 6 embætti auglýst laus til umóknar (jafn mörg og skipað var í árið 2013) og við vitum að þó nokkur eiga eftir að bætast við. [Hér er gott að hafa í huga að vígðir þjónar kirkjunnar eru í raun sárafáir. Þannig höfðu aðeins 190 vígðir þjónar kosningarétt þegar síðustu biskupskosningar fóru fram á landsvísu 2012.] Um leið eru þetta einu embættin sem hafa verið auglýst það sem af er þessu ári og eiga umsækjendur ýmist að hefja störf 1. ágúst eða 1. september. Þetta er í samræmi við 28. mál síðasta Kirkjuþings (sjá málaskrá) sem var vísað til Kirkjuráðs, en þar er stungið upp á því að fardagar presta séu að hausti, þ.e. laus embætti aðeins auglýst á vordögum og að presta hefji störf í nýjum sóknum á haustin.Lausu embættin sem hafa verið auglýst eru sem hér segir:

14. mars síðastliðinn birtist auglýsing á kirkjan.is. Þar er auglýst laust til umsóknar embætti prests í Egilsstaðaprestakalli, Austurlandsprófastsdæmi, frá 1. nóvember 2014. Umsóknarfrestur rennur út 15. apríl 2014. Það verður örugglega fullt af flottu fólki sem sækir um þessa stöðu. (kirkjan.is)

14. mars síðastliðinn birtist auglýsing á kirkjan.is. Þar er auglýst laust til umsóknar embætti sóknarprests í Egilsstaðaprestakalli, Austurlandsprófastsdæmi, frá 1. ágúst 2014. Umsóknarfrestur rennur út 15. apríl 2014. Það verður örugglega fullt af flottu fólki sem sækir um þessa stöðu (kirkjan.is)

17. mars síðastliðinn birtist auglýsing á kirkjan.is. Þar er auglýst laust til umsóknar embætti sóknarprests í Seljakirkju, Reykjavíkurprófastsdæmi eystra, frá 1. ágúst 2014. Umsóknarfrestur rennur út 15. apríl 2014. Það verður örugglega fullt af flottu fólki sem sækir um þessa stöðu (kirkjan.is)

25. mars síðastliðinn birtist auglýsing á kirkjan.is. Þar er auglýst laust til umsóknar embætti prests í Háteigskirkju, Reykjavíkurprófastsdæmi vestra, frá 1. september 2014. Umsóknarfrestur rennur út 28. apríl 2014. Það verður örugglega fullt af flottu fólki sem sækir um þessa stöðu (kirkjan.is)

7. apríl síðastliðinn birtist auglýsing á kirkjan.is. Þar er auglýst laust til umsóknar embætti sóknarprests á Skagaströnd, Húnavatns- og Skagafjarðarprófastsdæmi, frá 1. ágúst 2014. Umsóknarfrestur rennur út 6. maí 2014. Það verður örugglega fullt af flottu fólki sem sækir um þessa stöðu (kirkjan.is)

7. apríl síðastliðinn birtist auglýsing á kirkjan.is. Þar er auglýst laust til umsóknar embætti sóknarprests í Laugarneskirkju, Reykjavíkurprófastsdæmi vestra, frá 1. september 2014. Umsóknarfrestur rennur út 7. maí 2014. Það verður örugglega fullt af flottu fólki sem sækir um þessa stöðu (kirkjan.is)

Árið 2013 var nokkuð um mannabreytingar fyrir tilstilli auglýstra embætta í Þjóðkirkjunni (hér eru ekki talin tímabundin mannaskipti):

Páll Ágúst Ólafsson var skipaður í embætti sóknarprests á Staðastað. (kirkjan.is)
Jón Helgi Þórarinsson var skipaður í embætti sóknarprests í Hafnarfjarðarkirkju. (kirkjan.is)
Helga Soffía Konráðsdóttir var skipuð í embætti sóknarprests í Háteigskirkju. (kirkjan.is)
Sigríður Rún Tryggvadóttir var skipuð í embætti prests í Egilsstaðaprestakalli með aðsetur á Seyðisfirði. (kirkjan.is)
María G. Gunnlaugsdóttir var skipuð í embætti prests í Patreksfjarðarprestakalli. (kirkjan.is)
Þórhildur Ólafs var skipuð í embætti prests í Hafnarfjarðarprestakalli. (kirkjan.is)

Og ég semsagt bíð spenntur eftir að sjá hver fær lausu embættin, hvaða embætti verða auglýst laus til viðbótar, hvaða embætti verða sett í bið, hvort konur eða karlar, aldnir eða ungir fá embættin.

Sjá einnig:

“10 prestar eða 20?” - blogg hér á annál frá 2012

“1/3 biskupsatkvæða í stóru prófastdæmunum þremur” - blogg hér á annál frá 2012

“Gamlir prestar” - pistill á trú.is 2011.

url: http://pb.annall.is/2014-04-09/prestar-oskast/

Athugasemdir

Fjöldi 10, nýjasta neðst

Árni Svanur Daníelsson @ 9/4/2014 09.13

Fleiri embætti verða auglýst. Ef ég man rétt nefndi Agnes biskup að þau yrðu um það bil fjórtán á tólf mánuðum þegar hún ræddi þetta á kirkjuþingi í mars. Svo er ekki ólíklegt að einhverjir prestar hreyfi sig milli embætta sem leiði til þess að enn fleiri embætti verði auglýst.

Pétur Björgvin @ 24/4/2014 13.02

Gaman að sjá að sjö manns sóttu um embætti sóknarprests í Seljakirkju og að sex manns sóttu samtals um stöðurnar tvær fyrir austan.

Pétur Björgvin @ 29/4/2014 06.51

Nú hefur embætti prests í Dómkirkjunni verið auglýst. Spennandi hlutverk fyrir fólk með reynslu!

Pétur Björgvin @ 5/5/2014 05.59

Gaman að það er hreyfing á fólki í íslensku Þjóðkirkjunni. Nú hafa nítján manns, þ.e. fjórar konur og fimmtán karlmenn sótt um embætti prests í Háteigskirkju. Ég velti því fyrir mér hvort að konur sæki síður um embættið af því að það er kona fyrir í sóknarprestsembættinu? Það hefur sjaldan hindrað karla í að sækja um prestsembætti þó að sóknarpresturinn sé karl. En kannski er þetta bara tilviljun eða hlutfall kvenna sem er að leita að lausu embætti ef til vill lægra? Þannig sækja fimm karlar og aðeins tvær konur um stöðu sóknarprests í Seljakirkju, en fyrir austan er hlutfallið annað: Þar sækja tvö um embætti sóknarprests, ein kona, einn karl og af fjórum umsækjendum um stöðu prests eru þrjár konur.

Pétur Björgvin @ 6/5/2014 12.47

Þá hefur embætti í nýstofnuðu Dalvíkurprestakalli verið auglýst laust til umsóknar á vef kirkjunnar. Það vekur athygli mína að viðkomandi á að hefja störf 1. júlí og fyrirvarinn þar með nokkuð skemmri en í öðrum tilfellum hér að ofan. Umsóknarfrestur rennur út 3. júní. Auglýst laus embætti orðin 8 talsins, von á fleirum.

Pétur Björgvin @ 7/5/2014 15.23

Prestsembættin orðin níu sem hafa verið auglýst laus til umsóknar á árinu 2014. Yndislegt fyrir Þjóðkirkjuna hve mikið andrými skapast og að hið frábæra fólk sem starfar í kirkjunni, eða langar til að starfa í henni fær tækifæri til að reyna sig á öðrum vettvangi. Embætti prests í Grafarvogskirkju er auglýst í dag laust til umsóknar. Umsóknarfrestur rennur út 5. júní.

Pétur Björgvin @ 9/5/2014 12.47

Tíunda prestsembættið er auglýst á kirkjan.is í dag. Ég hlakka mikið til að sjá hverjir sækja um það embætti því það er embætti prests í Glerárkirkju og óska ég þess að vinir mínir í Glerárhverfi á Akureyri fái til starfa öflugan einstakling.

Pétur Björgvin @ 10/5/2014 19.55

Fjögur frækin sækja um embætti sóknarprests á Skagaströnd, tveir karlar, tvær konur, eins og fram kom á kirkjan.is í gær. Ljóst að sama hvernig valnefnd velur, þau fá flottan einstakling til þjónustu á Skagaströnd.

Pétur Björgvin @ 12/5/2014 16.32

Sjö sækja um embætti sóknarprests í Laugarneskirkju. Flottur hópur. Borið saman við hin embættin fimm þar sem nöfn umsækjenda hafa verið birt gerist það hér í fyrsta sinn að konur eru fleiri í hópi umsækjenda en karlar. Passar við hina femínísku Laugarneskirkju. En vel að merkja meðal karla í hópi umsækjenda eru líka þekktir femínistar.

pb.annáll.is - » Tvö - Eitt fyrir konunum @ 2/6/2014 13.27

[...] Prestar óskast (færsla frá 9. apríl 2014) [...]